Qazaxıstanın ən varlı adamları 5 günə 3 milyard dollar itirdi – SƏBƏB

Qazaxıstandan olan dörd milyarderin sərvəti ölkədə bir neçə gün davam edən etiraz aksiyalarında ümumilikdə 3 milyard dollar azalıb.

Bu haqda informasiyanı Forbes nəşri yayıb.

Mənbə qeyd edir ki, milyarderlərin sərvəti ölkədəki iki böyük bankın – Kaspi Bank və Qazaxıstanın Xalq Bankının səhmlərinin müvafiq olaraq 30 və 15 faiz ucuzlaşması səbəbindən azalıb.

Yanvarın 4-dən 6-dək “Kaspi Bank”ın ən böyük səhmdarı Vyaçeslav Kim 1,4 milyard dollar itirib, sərvəti 5,7 dollardan 4,2 milyard dollara düşüb.

“Kaspi”nin baş direktoru Mixail Lomtadzenin sərvəti 5,2 milyard dollardan 3,8 milyard dollara qədər azalıb.

Qazaxıstanın “Xalq Bank”ında nəzarət səhm paketinə sahib olan Nazarbayevin qızı Dinara Kulibayeva və əri Timur Kulibayev ümumilikdə 200 milyon dollar itirib.

Forbes ər-arvadın sərvətini 3,1 milyard dollar qiymətləndirib.

Forbes-in məlumatına görə, Qazaxıstanın ən varlı adamları reytinqində yeddi milyarder var.

Nəşr etirazlar zamanı qalanların vəziyyətinin necə dəyişdiyini göstərmir. Bizim.media

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Pin It on Pinterest