Putin xarici dövlətlərin dostca olmayan hərəkətlərinə cavab olaraq fərman imzaladı

Rusiya Prezidenti Vladimir Putin bəzi xarici dövlətlərin dostca olmayan hərəkətlərinə qarşı  iqtisadi cavab tədbirləri haqqında fərman imzalayıb.

“Fərmanla müəyyən edilmiş hüquqi, fiziki şəxslər və onların nəzarətində olan təşkilatlar barəsində xüsusi iqtisadi tədbirlər tətbiq edilir”, – deyə sərəncamda bildirilir.

Belə ki, sənəd cavab sanksiyalarına məruz qalmış xarici fiziki və hüquqi şəxslərlə əməliyyatların aparılmasını və öhdəliklərin yerinə yetirilməsini, habelə həmin şəxslərin xeyrinə ölkədən xammal və məhsulların ixracını qadağan edir.

Hökumətə on gün müddətində aidiyyəti şəxslərin siyahısını hazırlamaq və qadağan aid edilən əməliyyatların müəyyən edilməsi üçün meyarları hazırlamaq tapşırılıb.

Sənəd dərc edildiyi andan qüvvəyə minib və xüsusi iqtisadi tədbirlər ləğv olunana qədər qüvvədə olacaq.

Mənbə: RİA Novosti

Bir cavab yazın

Sizin e-poçt ünvanınız dərc edilməyəcəkdir.

Pin It on Pinterest