Pentaqon rəhbəri Şoyqu ilə telefon danışığını xatırladı: “Ona dedim ki…”

ABŞ-ın müdafiə naziri Lloyd Ostin ilə Ukraynanın müdafiə naziri Aleksey Reznikov arasında telefon danışığı olub.

Bu barədə Pentaqon məlumat yayıb.

Pentaqonun sözçüsü Con Kirbi bildirib ki, Ostin Reznikovla “döyüş meydanındakı vəziyyəti və Ukraynanın bacarıq ehtiyaclarını müzakirə etmək” üçün danışıb.

Maraqlıdır ki, Lloyd Ostin Ukraynanın müdafiə nazirinə mayın 13-də Rusiya müdafiə naziri Sergey Şoyqu ilə telefon danışığında “Ukraynadakı münaqişəni dərhal dayandırmağa çağırıb və rabitə xətlərinin saxlanmasının vacibliyini vurğulayıb”.

“Ostin ABŞ-ın Ukraynanın suverenliyinə və Rusiyanın təcavüzünə qarşı müqavimət qabiliyyətini gücləndirmək üçün təhlükəsizlik yardımı səylərinə sarsılmaz dəstəyini bir daha təsdiqlədi”, – Kirbi bildirib.

Qeyd olunur ki, Ostin və Reznikov gələcəkdə də sıx əlaqə saxlamağa söz veriblər.

Xatırladaq ki, Aleksey Reznikov Ukraynanı birlik, həmrəylik, iradə və səbr tələb edən “son dərəcə çətin həftələr” gözlədiyini bildirib. O, həmçinin qeyd edib ki, Rusiya resurslara görə Ukraynadan xeyli üstündür.

Bizim.Media

Bir cavab yazın

Sizin e-poçt ünvanınız dərc edilməyəcəkdir.

Pin It on Pinterest