“Klinton arvadının qorxusundan Yeltisinlə arağı tualetdə içirdi”-Yeltsinin kürəkənindən maraqlı açıqlamalar

Boris Yeltsinin keçmiş kürəkəni Aleksey Dyachenko, Rusiyanın ilk prezidentinin Kremlin tualetində Amerika lideri Bill Klintonla necə içki içdiyini danışıb.  Dyachenkonun “Yeltsindən Putinə qədər. Və Geri” kitabından parça “Exo Moskvı” saytında yerləşdirilib.

Dyaçenkonun sözlərinə görə, bu barədə ona Yeltsin özü danışıb. Kremldəki qəbullardan birində Klintonun həyat yoldaşı Hillari ona içki içməyə icazə verməyib. “Bill içmək İstəyirdi, amma Hillari ona imkan vermirdi”, – müəllif yazır.

 Yeltsin işçilərinə tualetdə masa düzəltməyi əmr edib. “Kremldəki tualet, təbii ki, adi  tualetlər kimi deyil. Təmiz və ölçüsü də böyük. Kremlin tualetində nəinki masa arxasında oturmaq, hətta qadını rəqsə də dəvət etmək olar. İki prezident üçün belə tualetdə bir masa açıldı, içki və qəlyanaltı verildi”, – Dyachenko yazır.

Yeltsin Klintona onunla təklikdə danışmaq istədiyini bildirib və onlar birlikdə yoxa çıxıblar. Qayıdandan sonra ABŞ prezidenti həddən artıq şən görünüb. Dyachenko yazır ki, Hillari Klinton ərinin şübhəli göründüyünü hiss edib, lakin bunun səbəbini anlamayıb. virtualaz.org

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Pin It on Pinterest